የአካል ጉዳተኞች ክህሎት ማበልፀጊያ ማዕከልማለት አካል ጉዳተኛ ዜጐችን በመቀበል በምርጫቸውና የአካል ጉዳታቸውን ታሳቢ ባደረገ መንገድ በተለያዩ የስልጠና ዘርፎች የሙያና የቴክኒክ ክህሎት እንዲኖራቸው በማድረግ በገቢ ማስገኛ ስራዎች መሠማራት በሚችሉበት አግባብ ዝግጁና በገበያ ብቁ ተወዳዳሪ እንዲሆኑ የሚያሰለጥን ተቋም ነው፡፡

.በክልላችን ብቸኛ ማዕከል ሲሆን ማዕከሉ የቋቋመበት ዋና ዓላማም በብሔራዊ ክልሉ ውስጥ ለሚገኙ አካል ጉዳተኛ ዜጐች ያላንዳች ልዩነት አካላዊ ሁኔታቸውንና ፍላጐታቸውን መሰረት ያደረገ የቴክኒክና ሙያም ሆነ የክህሎት ማዳበሪያ ስልጠናዎችን በመስጠት አካል ጉዳተኞች የሚኖራቸውን በስራ ገበያ የመወዳደር አቅም ማጐልበት ነው፡፡

ክልሉ ውስጥ የሚገኙትን አካል ጉዳተኞች በመቀበል ፍላጐቶቻቸውንና ዝንባሌዎቻቸውን መሰረት ያደረገ፣ ቀልጣፋና ደረጃውን የጠበቀ ሙያዊ ስልጠናና የክህሎት ማበልፀግ አገልግሎት እንዲያገኙና በስራው ዓለም የሚኖራቸው የተወዳዳሪነት አቅም ከፍ እንዲል ያደርጋል፡፡

በሴቶች እና ህፃናት ላይ የሚፈፀም የኃይል ጥቃትን ለመከላከል እና በአንድ ማእከል ሁሉን አቀፍ  ምላሽና አገልግሎት የሚሰጥ ተቋም ነው፡፡

በተጠቂዎች እና በህብረተሰቡ ላይ የማይሽር ጠባሳ የሚተው፣ በሀገር ልማት ላይ የሚያሳድረው ተጽዕኖም የከፋ በመሆኑ የችግሩን መሠረታዊ መንስኤዎች በማወቅ ዘላቂ መፍትሄ ማምጣት በማስፈለጉ፤

ሴቶችና ህፃናት በዚህ ጥቃት የሰብዓዊ መብት ጥሰት እየተፈፀባቸው መሆኑና ከአካላዊ፤ወሲባዊ፤ሰነ-ልቦናዊጥቃቶችበተጨማሪ ለኢኮኖሚያዊጥቃቶች ተጋላጭ ከመሆናቸው የተነሳ የፍትህ ስርዓቱን ተጠቅመው መብታቸውን ለማስከበር የተለየ ጥበቃና ድጋፍ የሚያስፈልጋቸው በመሆኑ ፡

በሴቶች እና ህፃናት ላይ የሚፈፀሙ የኃይል ጥቃቶችን ለማስወገድ የተለያዩ የህግ ማዕቀፎች  /አለም አቀፍ የሰብዓዊ መብት ስምምነቶች እና ቻርተሮች / ቢኖሩም ተግባራዊ ከማድረግ አኳያ እጥረቶች ያሉ እና ለውጥ ያልመጣ በመሆኑ

ችግሮችን በዘላቂነት ለመፍታት፣ ለመከላከል፣ ተፈፅመው ሲገኙ ተጠቂዎች አገልግሎቱን ሳይጉላሉ በአንድ ማዕከል እንዲያገኙ በማድረግ የህክምና፣ የፍትህ እና የቀጣይ ህይወታቸው ጉዳይ እልባት እንዲያገኙ ለማድረግና ወንጀል ፈፃሚዎችን በአጭር ጊዜ ተገቢውን እርምት እንዲያገኙ በማድረግ በተቀናጀ እና ሁሉን አቀፍ በሆኑ ዘዴዎች ተከትሎ መስራት አስፈላጊ በመሆኑ የአንድ ማዕከል የተቀናጀ የእንክብካቤ እና ፍትህ አገልግሎት መስጫ ማዕከል ማቋቋሙ አስፈላጊ ሆኗል፡፡

“የአካል ተሃድሶ አገልግሎት”ማለት ለአካል ጉዳተኞች አስፈላጊ የሆኑ ሰው ሰራሽ መሣሪዎችን በማሟላት የጉዳተኞችን አካላዊ ምቾት በመጠበቅ እና ስነ-ልቦናቸውን በመንከባከብ ሁለንተናዊ ተሣትፏቸውን ከፍ ለማድረግ  ታስቦ  በሰለጠኑ ባለሙያዎች የሚከናወን ተግባር ነው፡፡

“የአካል ተሃድሶ ማዕከል“ማለት የሰዎችን የተጐዳ አካል መልሶ የማስተካከል ተግባር የሚከናወንበት፣ ሰው ሰራሽ የአካል ድጋፍ ወይም ሰውሰራሽ እጅ እግር የሚመረትበትና አካልን የማሸት ወይም የፊዚዮቴራፒ ህክምና እና ስልጠና እንዲሁም የሥነ-ልቦና ምክር አገልግሎት የሚሰጥበት  ተቋም ነው፡፡

በክልላችንበደሴና ባህርዳርላይ እንደሚገኙ ከላይ የተመላከተ ሲሆንየተቋቋሙበት ዋና አላማም በክልሉ ውስጥ ለሚገኙ በሰው ሰራሽ አደጋና በተፈጥሮ ምክንያት የተለያዩ የአካል ጉዳት ለደረሰባቸው ወገኖች ከጉዳታቸው ጋር የተያያዘ ሁለንተናዊ የአካል ተሀድሶ አገልግሎቶችን ያለአንዳች ልዩነት በመስጠት ሁለንተናዊ ተጠቃሚነታቸውን ከፍ ማድረግ ነው፡፡